أنت غير مسجل في منتدى جنرال العين - Forum General Alain . للتسجيل الرجاء إضغط هنـا

































التميز خلال 24 ساعة
العضو المميز الموضوع المميز المشرف المميز
جنرال العين ودااااعا للشعر الخفيف. وداااعا لتساقط الشعر. وداااعا للثعلبة
بقلم : رانيه شوقى
قريبا
مسابقة المليون
جرب ادخال آخر 4 ارقام من تخمينك فقد تفوز به إذا كانت الارقام صحيحة

الأذكار      <->     سبحانك اللهم وبحمد ك وتبارك اسمك وتعالي جدك، ولا إله غيرك      <->     
العودة   منتدى جنرال العين - Forum General Alain > ¤|`••|`•¤° جنرال الإجتماعي °¤|`••|`•¤° > جنرال قـصص وعبــر

جنرال قـصص وعبــر يختص بالروايات والقصص المؤلفة والمنقوله

........كما تدين تدان..........

جنرال قـصص وعبــر


المواضيع المتشابهه
الموضوع كاتب الموضوع المنتدى مشاركات آخر مشاركة
تعرف على جماعة التبليغ من مقالات العلماء وطلبة العلم سفير العالم منتدى المنهج و العقيدة و المخالفات ( للقراءة فقط ) 28 08-02-2012 04:28 AM
بيان خطأ المخطئ ليس من الغيبة سفير العالم منتدى المنهج و العقيدة و المخالفات ( للقراءة فقط ) 0 09-09-2009 08:12 PM
فكر قبل انا تدخن............ ~{عدسه مبدعه}~ جنرال السوالف العامه 8 15-08-2009 06:12 PM
المنهج الشرعي في بيان حقيقة الجهاد وضوابطه أبو علي حسين البلوشي منتدى التحذير من الخروج والتطرف والارهاب ( للقراءة فقط ) 31 22-07-2009 12:52 PM
كما تدين تدان ( قصص من الهيئة ) سفير العالم جنرال قـصص وعبــر 11 12-12-2008 06:22 PM

إضافة رد
 
أدوات الموضوع انواع عرض الموضوع
قديم 19-09-2009, 05:39 PM   #1

شرجاوية

جنرال متقدم

 
الصورة الرمزية شرجاوية

 
 
 
 
 
 
 

معلومات إضافية

الحاله : شرجاوية غير متواجد حالياً
عدد النقاط : 1708
المستوى : شرجاوية has a brilliant futureشرجاوية has a brilliant futureشرجاوية has a brilliant futureشرجاوية has a brilliant futureشرجاوية has a brilliant futureشرجاوية has a brilliant futureشرجاوية has a brilliant futureشرجاوية has a brilliant futureشرجاوية has a brilliant futureشرجاوية has a brilliant futureشرجاوية has a brilliant future

مزاجي:

 
معلومات مول:
   
رسالة الشخصية:

مهما كان الورد جميل فإنه من الصعب أن يعيش إن لم يجد من يراعاه وأروع ما في الحياه أحباب" يحبونك

     
مركز تحميل:
 

 

 
الحق ما تلحق ........كما تدين تدان..........





ناصر قاعد بالدوانية ويا ربعه يلعبون كوت ويتغشمرون ويا بعض والضحكة ما تفارقهم

إفتحوا موضوع النت وبلاويه

وكل واحد قاعد يسولف عن المواقف اللي صارتله بالنت ويا البنات

ناصر تعجب من اللي إسمعه

وقال بقلبه لهذي الدرجة النت فيه جذي مواقف ووناسة .. ؟

رد البيت وطلب من أخوه الصغير يعلمه على النت

وخلال أسبوع تعلم ناصر أشياء وايده بالنت وصار عنده خبره

إنقطع عن الدوانية

كل وقته صار بالنت

ينام يقعد ياكل يشرب كلا على النت

صارت حياته كلها النت وبس

**********

يوم من الأيام دخل الجات وقاعد يسولف ويسولف

وأهو من النوع اللي يحب البرايفت وايد

دخل على بنت نكها

(( دلووووولة الدلوووووعة ))

وقاعد يسولف وياها ويتغشمر ويضحك وداخل جو معاها

ناصر حب أسلوب دلول وروحها المرحة

وطلب منها إن يضيفها عنده على الإيميل

دلول وافقت وضافوا بعض على الإيميل

وصاروا يوميا يسولفون ويا بعض على المسنجر

وشوي شوي ناصر تعرف على دلول أكثر

ودلول أعرفت عن ناصر أشياء وايده لما خذوا على بعض أكثر

إستمرت علاقتهم بالنت سنة كاملة

ناصر طلب من دلول إن يكلمها بالتلفون

دلول وافقت وقالت ماعندها مانع

وصاروا يكلمون بعض كل يوم والكلام الحلو ما يفارقهم

وناصر ما يعرف ينام إلا لما يسمع من دلول كلمة حلوه

ناصر تمسك بدلول وايد

حبها وايد حبها حب مايقدر يوصفه

إدخلت قلبه تولع فيها

صار يبديها على نفسه وعلى كل شي حتى أهله

معنا ناصر للحين ماشاف دلول

بس قلبه حبها

وآآآآآه من القلب لو حب

ناصر حب دلول لأنها أول بنية تمر على باله وعشان جذي تمسك فيها وايد

ورغم غنى ناصر يموت بشي إسمه دلال

لكن دلول عدت ناصر مرحلة من حياتها وراح تنتهي

لأنها كلمت صبيان وايدين وطلعت وياهم ولما تمل تهدهم وعندها خبرة بهذي السوالف

لكنها ماكانت تقول حق ناصر هالأشياء بالعكس

كانت تسمعه احلى الكلام وما تخلي عليه قاصر ولا تزعله

وخلته فارس أحلامها

وبجذي ناصر ما ينلام لو حبها

علاقتهم تطورت اكثر وأكثر صارلهم سنتين

ناصر صار يموت بشي إسمه دلال

صار يتمنى يتنفس هواها ويمشي على ترابها

**********

يوم من الأيام طلب ناصر من دلول إن يشوفها

دلول قالتله آنا بعد أتمنى أشوفك حياتي

ناصر قالها اوكي بعد عمري وين تبيني أشوفج ومتى ..؟

قالتله شرايك تشوفني باجر بالمنتزه الساعة 10 بليل

قالها أوكي صار



ناصر إتصل على رفيجه علي

قاله باجر بشوف رفيجتي اللي كلمتك عنها باجر بشوفها عليوي

قاله يه يه يه الله يوفقك وشد حيلك

ناصر قاله أبيك تروح وياي

عليوي قال إنت ورفيجتك بتشوفون بعض آنا شسوي بينكم ..؟

تبوني أصير حكم منو يخز الثاني أكثر



ناصر قاله يالله عاد تعال وياي آنا أول مرة أشوفها وأول مرة أواعد بنية بحياتي

وإنت خبرة بنات أبيك وياي الله يخليك

عليوي قال أوكي أوكي ماعندي مانع بروح وياك إنت تامر أمر بو بدر

من باجر ناصر وعلي راحوا المنتزه

ناصر إتصل على دلولته قالها وينج .. ؟

قالته آنا توني داشه المنتزه

قالها أوكي وين تبيني أشوفج أي صوب

قالتله ممممم شوف روح صوب دورة المياه اللي آخر المنتزه وآنا الحين يايتلك

قالها أوكي أحسن بعد عشان محد يشوفنا وناخذ راحتنا

ناصر ناطرها ناطر حبيبته ناطر حياته بفارق الصبر يبي يروي عينه بشوفتها

وعليوي منبطه جبده زهق وأهو ينطر

قال حق ناصر يبا هذي شفيها تأخرت

ناصر قاله يبا الحين بتوصل

عليوي قال يمعود اللي يشوف حالتك يقول مواعدلي نانسي عجرم وآنا مادري



ناصر قال يمعود آنا حبيتها وسنتين معاها واليوم أول يوم بشوفها

شلون ما تبيني أكون متلهف ومشتاق لها

علي ضحك وقال سنتين وتوك تشوفها .. ؟

هههههههههههههه صج إنك أبيض لوح



ناصر قال بدال خرابيطك بذمتك قولي شرايك بالكرفته اللي لابسها



عليوي يطالع ناصر من فوق لي تحت ويقوله

آنا مو باط جبدي إلا هذي الكرفته

بذمتك في أحد الحين يلبس كرفته

آنا بعرف إنت معطي نفسك جو إنك مدير أعمال وإلا شنو



ناصر قال يمعود هذا اللي لقيته بالكبت ولبسته

عليوي قاله لا تحاتي إهي بتشوف الكرفته على طول بتدوخ



ناصر إنبطت جبده من طنازة عليوي وإتصل على دلول قالها ها وينج صيفتي

قالتله كاني دقيقتين بالضبط وأكون عندك

عليوي قال آنا طلع زرع براسي والهانم مالتك ما وصلت

تخيل تطلع كشه



ناصر يطالع علي من فوق لي تحت ويقوله إستح على ويهك

عليوي قال والله لو طلعت كشة بقولها ممكن تسلفيني المخمة اللي على راسج

هههههههههههههههههاااااااااااااااااااااااااااي



ناصر عصب وقاله إذا ماسكت بهفك باللي بيدي

دلول أوصلت وشافتهم وإهي ماتعرف منو فيهم ناصر



عينها راحت على عليوي وقاعده تطالعه ونظراتها كلها إعجاب وحب

وقالتله بكل رقة وحنان إنت ناصر .. ؟

قالها لا رحتي بعيد آنا رفيجه علي هذا ناصر كاهو

دلول لما شافت ناصر طالعته بنظرات كلها إحتقار و إهانة

وقالتله هلا ناصر

قالها هلا دلول ما شاء الله شحلاتج صايرة تهبلين والله

من غير نفس قالت له ادري إني اهبل يعني قايل شي يديد حضرتك

ناصر ضاق خلقه من معاملة دلول الغريبة

قبل كانت تعامله أحلى معاملة وتقوله إنت حبييب وحياتي وعمري وروحي

والحين تقوله حضرتك

ناصر وايد تضايق

دلول قالت آنا بروح تأخرت بس قبل لا أروح ممكن يا أخ علي أكلمك على انفراد .. ؟

ناصر تعجب وقال عليوي آنا ناطرك عند المواقف

ناصر راح والحزن مسيطر عليه ما توقع دلول تسوي جذي

دلول قالت حق علي آنا الصراحة معجبة فيك وايد وأنت شحلاتك تهبل تينن

وأبي أكون معاك علاقة

عليوي تعجب من كلامها وتشيتت وخاصة إن دلول وايد حلوة

قالها بس نصور يحبج وإنتي تحبينه

قالت له لا ويع آنا ماأحبه شكله ما عجبني وإنت شحلاتك تهبل دخلت قلبي

قالها وناصر .. ؟

قالت له ناصر آنا أكلمه وأفهمه إني ما احبه وعلاقتنا بدت غلط ولازم تنتهي

بس المهم إنت تكون لي

قالها أوكي آنا بروح حق ناصر

هذا رقمي وأنطر منج تلفون

عليوي راح حق ناصر بالمواقف

ناصر قاله شتبي منك دلول .. ؟

علي قاله الصراحة البنية ما تبيك تبيني أنا تقول إنها معجبة فيني

ناصر قاله شنو .. ؟ شتقول إنت شتخربط .. ؟

قال والله هذا اللي صار آنا فهمتها أنك تحبها وتموت فيها

بس إهي قالت إن علاقتكم غلط ولازم تنتهي ومن هالكلام

ناصر ضاقت فيه الدنيا وقال حق عليوي وإنت شسويت .. ؟

قال عطيتها رقمي وراح تتصل فيني وبلعب فيها لعب لأني ماحب أحد يذلك

ناصر تأثر من كلام علي وايد

خلاه وراح البحر يبجي يتذكر الأيام الحلوه اللي كانت بينهم

العبرة إخنقته ماقدر يتحمل

إتصل عليها وقالها دلول آنا أحبج وايد أموت فيج هالدنيا بدونج ما تسوى شي بدونج

ليش سويتي فيني جذي ليش دلول

أنا ماقدر أهدج احبج وايد روحي متعلقة فيج حرام عليج دلول حرام



دلول زادت الطين بله وإجرحته مشاعره أكثر

قالتله إنت مو حلو وأنا خلاص ماحبك الحب مو قصب

وإذا عن الكلام اللي كنت أقوله لك

ترى كلا أوهام بأوهام

وآنا أكرهك أكرهك أكرهك

ومابيك تتصل علي مرة ثانية أنت فاهم

قطيعة تقطعك يالله إذلف

ناصر كره الدنيا ومافيها كره حتى نفسه صارت نفسيته منهاره وايد

ووصلوا لي درجة إنه تمنى الموت

ما يطلع كلا قاعد ببيتهم

مايروح مكان بس من البيت لي المسجد بس

ورغم اللي سوته دلول فيه

ناصر للحين يحبها ويموت فيها

ويدعيلها بصلاته إن الله يهديها ويوفقها دنيا وآخرة

ناصر ما ينام الليل كلا يفكر بدلال وبجمالها

ويفكر بالكلام الحلو اللي كانت تقوله له

صار مينون فيها وعرف إن حياته بدونها ما تسوى شي

ومايقدر يقص على روحه وينساها

وبحكرته هذي نسى كل الناس لاكن ماقدر ينساها

**********

دلول وعليوي كونوا علاقة بالتلفون

دلول حبت علي وايد وصارت تسمع كلامه وتنفذ كل أوامره

وعلاقتهم تطورت واستمرت سنتين

دلول طول الأيام كانت تلح على عليوي إنهم يطلعون ويا بعض

لكن عليوي كان يتعذر وايد

لأنه كان يعتبر دلول مرحلة من حياته وبتعدي

عليوي يكلم 3بنات غير دلول وكان ماخذ البنات كتسلية

يلعب فيهم ولما يمل منهم يهدهم

دلول قالت حق عليوي صارلنا سنتين نعرف بعض ولي يومك هذا

ما طلعنا ويا بعض

عليوي قال آنا ما احب الطلعات

قالتله شلون يعني آنا مشتهية أشوفك حياتي



قالها تبين تشوفيني .. ؟

قالت أتمنى والله

قالها أوكي شرايج تشوفيني بشاليه رفيجي آنا أوديج له

قالها مو إنتي تحبيني وتموتين فيني .. ؟

قالت إي والله أموت فيك



قالها خلاص عيل سمعي كلامي ومالج شغل

وإذا متوقعة إني بضرج كيفج لا تشوفيني ولا أشوفج وننفصل أحسن

قالت لالا ننفصل لا

آنا مستعده أروح وياك الشاليه خلاص

قالها إي جذي تعجبيني إنتي يا عمري

هههههههههههههههههه



قالت له عطني يومين أجهز نفسي وأقول حق أهلي إني بروح أسهر عند رفيجتي

قالها أوكي صار

بعد هاليومين عليوي خذا دلول وراح وياها الشاليه

وسحبها بالحجي الحلو

شافوا 3 أفلام

الوقت خذاهم

قالت دلول وي آنا تأخرت وايد الساعة الحين 12 بليل

قالها أوكي شرايج ننام بالشاليه

قالت لالا عليوي من صجك إنت

قالها إي والله من صجي إنتي مو قايله حق أهلج إنج ببيت رفيجتج

قالت إي

قالها اوكي إتصلي عليهم وقوليلهم بنام عندها

قالت لالا شلون أنام وياك

قالها أوكي مشكوره وتقولين تحبيني بعد

أي حب هذا .. ؟

قالتله حياتي لا تعصب خلاص آنا بتصل على أهلي وبقولهم بس المهم إنت لا تزعل

دلول إتصلت على اهلها وقالتلهم إنها بتنام ببيت رفيجتها

صارت الساعة 1 الفير

عليوي قال حق دلول بوريج فلم مو طبيعي راح تستانسين منه

قالت لالا واللي يعافيك آنا لاعت جبدي 3 أفلام ورا بعض وزهقت

قالها لالا هذا الفلم غير غير ما يزهق بالعكس يونس



قالتله أوكي خل نشوفه

عليوي طفى النور

قالت له ليش طفيت النور .. ؟

قالها عشان نندمج ويا الفلم يا بعد عمري



قالت له أوكي

عليوي شغل الفلم

دلول لما شافته تنحت



قالت عليوي إستح على ويهك شنو هذا



قالها يا بعد عمري طالعي وسكتي هالأشياء مو عيب هذي يسمونها متعة



دلول قاعده تطالع وإهي خايفة

عليوي بعد عنها الخوف وقاعد يلعب بشعرها ويقولها كلام ينقط عسل

خلص الفلم

عليوي طفى التلفزيون

وناموا ويا بعض

من باجر عليوي وصل دلول بيتهم

وكل يوم يسولف وياها ويسمعها حجي حلو

عشان ما يحسسها بالندم باللي سواه فيها بالشاليه

ومازالت علاقتهم مستمرة

دلول صارت تموت بشي إسمه علي

ما تقدر تفارق صوته

حبته لي درجة الجنون

**********

يوم من الأيام طلعت دلول ويا رفيجتها شهد وراحوا الفنار

قاعدين عالطاولة يشربون عصير

دلول شافت عليوي قاعد ويا بنية بالطاولة

دلول كبداية ما شكت بعليوي وكان عبالها إن هالبنت وحدة من أهله

لكن قلبها ما ارتاح

قالت حق رفيجتها شهد روحي مري صوب ذيج الطاولة وحاولي تلقطين شقولون

وتعالي ردي

شهود قالت ليش .. ؟

دلول قالت عفية سوي اللي قتلج عليه وبعدين أقولج



شهد راحت مرت صوب طاولة عليوي

إسمعته يقول حق البنية اللي وياه

إنتي حياتي وروحي وعمري وطوايف أهلي يا قلبي أحبج وأموت فيج يا أحلى بنية في هالدنيا

شهد ردت وقالت حق دلول الكلام اللي إسمعته

دلول إنصدمت



قالت من صجج سمعتيه يقولها جذي .. ؟

شهد قالت إي والله هذا اللي سمعته بس ليش شفيه هالولد دلول .. ؟

دلال قالت لالا ولا شي ولا شي

ضاقت فيها الدنيا

داخت

ما قدرت توازن نفسها وطاحت غشانه

الناس بالمجمع تجمعوا

شهود راحت حق علي قالتله إنت تعرف دلول .. ؟

قالها ها إي لأ شنو ها لا لا إي لا ها

قام يخربط بالحجي لأن البنت اللي قاعده وياي صيدة يديده وما يبيها تضيع منه

قال حق صيدته اليديده عن إذنج شوي

راح ويا شهد وشاف دلول طايحة غشيانة والناس متجمعين

قالها إي أعرفها

وسمعيني زين دلول تحبني وايد وآنا ما أحبها لأنها بنية ما ترحم مشاعر غيرها

رفيجي ناصر يحبها ويموت فيها ويعزها وايد ويتمنالها كل خير لكنها خانته

وحبتني آنا

والحين لما شافتني مع بنية غيرها شوفي شصار فيها

وياليت إذا صحت تقولينلها يقولج علي

كما تدين تدان

مثل ما سوت برفيجي وخانته آنا الحين خنتها

وقوليلها قلوب الناس مو لعبة عندها ولازم تتعلم وأعتقد إنها الحين تعلمت

وخذت جزاها وأقل من جزاها

**********

دلول ودوها المستشفى وحالتها النفسية ما تسر لا صديج ولا عدو

رفيجتها شهد مجابلتها

دلول صحت

شهود إضطرت تقولها اللي قاله عليوي لها بس مترددة

دلول قالت شهودة شفيج مترددة عندج شي بتقولينه .. ؟

شهود قالت غي والله بقولج شي بخصوص علي

دلول قالت علي .. ؟



الله يسامحه شفيه قولي تحجي

شهود قالت كل اللي قاله علي لها

دلول تضايقت وايد ومن كثر همومها بتنفجر

وقالت حق شهود كل شي صار بينها وبين ناصر وبينها وبين عليوي عشان ترتاح

شهود قالت سبحان الله

مثل ما جرحتي مشاعر ناصر وخنتيه مع رفيجه عليوي

الله سبحانه خلاج تحبين عليوي وبالأخير جرحج وخانج

دلول وايد تأثرت وحالتها النفسية كل مالها تنهار وظلت بالمستشفى

**********

علي إتصل على ناصر وقاله كل اللي صار بعلاقته ويا دلول

وقاله لاتظن يا ناصر إني بخسرك عشان بنية

وآنا ادري إنك زعلان مني بس صدقني ماقصرت وياها

خذيت حقك منها

خليتها تنام وياي يوم كامل شبعت منها ما رحمتها

وآنا حطمتها وخليتها تعيش بأوهام والحين تلقاها طايحة بالمستشفى

ناصر ماقدر يقص على نفسه ولا قدر يقاوم قلبه

ناصر للحين يحب دلول وايد رغم اللي سوته فيه

ماقدر يتحمل وعلى طول راح المستشفى

دخل على دلول لقاها نايمة

مسك إيدها وقاعد يطالعها ويبجي

دلول بطلت عينها وشافت ناصر

إبتسمتله

قالها ما تشوفين شر يالغالية ما تشوفين شر



قالتله الشر ماييك



ناصر سامحني سامحني على اللي سويته فيك

آنا صغيرة وما أعرف شي بهالدنيا

جرحت مشاعرك وايد

أذيتك وايد

وإنت خوش ولد ماكو منك بهالدنيا

وآنا ياناصر آنا

قالها إنتي شنو .. ؟

قالت آنا آنا آنا أحبك اموت فيك



ناصر إرتاح وايد من هالكلمة وحس إن الدنيا مو شايلته من الفرحة

ووعد دلول إن ما يخليها وبظل معاها طول عمره

ووعدها بالزواج

**********

دلول قامت بالسلامه ورخصوها من المستشفى

وردت حق ناصر والعلاقة بينهم صارت أحسن بوايد من قبل

وكل يوم يسولفون ويا بعض سواء بالمسنجر أو بالتلفون

والكلام الحلو صار شي أساسي في حياتهم

ورغم إن ناصر عرف إن دلول باعت شرفها ونامت مع رفيجه عليوي

لكن هذا الشي ما أثر فيه

لأنه كان يحب دلول أكثر من شي إسمه حب

وصمم إن يتقدملها ويخطبها بأقرب وقت

وعاشوا حياتهم على الحلوة والمرة

وإتفقوا إنهم يكونون لبعض

وإقتنعوا إن علاقتهم راح تنتهي بالزواج

**********

دلول إنقطعت عن ناصر وماقامت تشبك وجهازها كلا مغلق

ناصر قام يحاتي سبب هالقطاعة .. ؟

وكان باله مشغول بدلال وايد

خايف عليها وايد لا يكون صارلها شي

وللأسف ناصر ما يعرف عنوان بيتهم

قام يفكر ويفكر ويفكر وما قدر يوصل لأي حل

صار كل يوم يروح الجمعات والأماكن اللي تحبها دلول يمكن يلقاها هناك

إستمر على هذا الحال شهرين

نصور حالته النفسيه وايد إتعبت مايدري حبيبته شصار فيها



إتصل عليه رقم غريب

ناصر إستغرب منو داق هالحزه ورقم منو هذا .. ؟




ناصـــــــر : ألووو نعم .. ؟

المتصلة : شلونك .. ؟

ناصـــــــر : تمام الحمدلله منو معاي .. ؟

المتصلة : آنا شهد

ناصـــــــر : شهد ..! أي شهد .. ؟

المتصلة : آنا شهد رفيجة دلول

ناصـــــــر : رفيجة دلول وينها دلول وينها شفيها قوليلي

المتصلة : الصراحة دلول رفيجتي وأعرفها إهي ما تحبك وكلا تلعب فيك وكلامها لك كلا أوهام

ناصـــــــر : لالا دلول طيبة وايد وتحبني وآنا أحبها وإنشالله راح نتزوج عن جريب وإنتي مغترة منها

المتصلة : إنت مسكين تكسر خاطري عايش بوهم

ناصـــــــر : شالكلام هذا شتخربطين إنتي .. ؟

المتصلة : شوف ناصر إنت ولد كاسر خاطري وايد والعاطفة مسيطرة عليك روح يوم الخميس

صالة الأفراح وبتشوف بعينك هناك حبيبتك .. باي




ناصر إستانس وايد

قال الحين بشوف حبيبتي بصالة الأفراح

أكيد عندها عرس واحد من أهلهم وعشان جذي إنقطعت عني

وآنا مسامحها بس المهم أشوفها الخميس واتطمن عليها

الله مشتاقلها وايد

ناصر ماطرى بباله غير هالشي

**********

يوم الخميس ناصر تكشخ وتعطر وراح العرس

دخل الصالة

زحمة زحمة مو قادر يشوف أحد

راح سلم عالمعرس

سلم على زوج حبيبته

دلول إهي الزوجة

خانت ناصر للمرة الثانية

ناصر شاف دلول تمسك إيد زوجها وتضحكله

ناصر وقف مصدوم



ريوله ما تشيله

طاح عليهم

ودوه المستشفى

عليوي لما درى باللي صار على طول طار المستشفى

سأل عن ناصر قالوله بالعناية المركزة

راح العناية المركزة وسأل الدكتور عن حالت ناصر

الدكتور قال ناصر حالته وايد خطيرة حاشته جلطة بالقلب

عليوي قال لالا دكتور ناصر صحته قوية وايد شلون صارله جذي



الدكتور قال الظاهر تعرض لصدمة شديدة أثرت في قلبه

عليوي ماقدر يتحمل وعزم على الدكتور إن يشوف ناصر ويتطمن عليه

الدكتور وافق وقال لا تطول عنده لأن الإنفعال مو زين عشانه

عليوي دخل العناية المركزة

دخل على ناصر

باس راسه وقاله سلامات يا بعد عمري ما تشوف شر

ما تستاهل يا بوبدر ما تستاهل



ناصر وبصوت بطيء قال الشر ما ييك

عليوي قاله شفت شفت شصارلك

هذول بناتنا بدمهم الخيانة

إذا احترمناهم وعزيناهم وقدرناهم باعونا

وإذا وريناهم نجوم الظهر صاروا تحت أمرنا

ناصر يأشر بيده ويقول مو كلهم في الزين وفي الشين

عليوي قال صح كلامك

وقال آنا الحين بترخص وراح أمرك كل يوم انشالله

ماتشوف شر حبيبي

ناصر إنقلوه الجناح

وعليوي زار ناصر وتطمن عليه وقاعدين يسولفون ويا بعض

واستمروا بالسوالف

فجأة إدخلت عليهم بنية ماسكة بيدها باقة ورد

قالت حق ناصر ما تشوف شر

عليوي قالها إنتي منو .. ؟

قالت آنا شهد رفيجة دلول

عليوي قالها ذلفي طلعي بره اله لا يوفقج لا غنتي ولا رفيجتج هالتعبانه

شهد قالت آنا مالي شغل فيها وآنا قطعت علاقتي معاها

لأنها بنية عديمة المشاعر

تحب نفسها وتحطم غيرها بدون رحمة

وآنا عرفت منها كل شي عن ناصر

وآنا معجبة فيه وايد وفخورة فيه وإعجابي له دفعني إني أزوره وأتطمن عليه

وبهالديرة قليل نشوف من أمثال ناصر

إذا حبوا يعطون هالحب كل إخلاص ووفا

لكن دلول الله يسامحها

والله ربنا وربها

عليوي وناصر تعجبوا من كلام شهد الصافي ورحبوا فيها وناصر قبل الورد منها

**********

شهود كانت تتردد على ناصر أكثر من مرة تتطمن عليه لما تحسنت حالته

ورخصوه من المستشفى

حالت ناصر صارت مستقرة وأحسن من قبل

كون علاقة صداقة وإحترام مع شهد

هالعلاقة إستمرت على الصدق والأمانة والإخلاص

تطورت العلاقة وكل واحد صار معجب بالثاني

وكلام القلب بدى بينهم

حبوا بعض وخلوا الزمن يحكم نهايتهم

وبعد 5 شهور من العلاقة الصادقة الواضحة النابعه من القلب

عزم يتقدملها ويخطبها

قالتله شهد ليش مستعيل عالزواج .. ؟

قالها بالزواج راح ناخذ على بعض أكثر

قالت ليش يعني إذا ما تزوجنا راح نفترق مثلا .. ؟

قالها لالا الله لا يقوله بس آنا خايف تسوين مثل دلال وتاخذين غيري

وأنصدم صدمة يديده

وآنا ما أتحمل صدمات

قلبي يعورني



قالتله سلامت قلبك

وآنا مو مثل دلال ألعب بمشاعر غيري

ويا ناصر ترى أصابعك ماهي سوى

قالها آنا ماشفت منج إلا كل خير

وآنا بستعيل عالزواج لأني أبي أكون وياج تحت سقف واحد

وخير البر عاجله

شهد قالتله آنا موافقه وماعندي مانع

وماراح ألقى شاب مثلك وبمواصفاتك

ناصر بعد أسبوع تقدملها وخطبها من أهلها

تزوجوا والله وفقهم بحياتهم

شهد قدرت تكون الزوجة المثالية حق ناصر

وناصر ما قصر معاها بشي

عاشوا ويا بعض تحت سقف واحد

تحت سقف الحب والمودة والحنان والصدق والأمانة والإخلاص والود والوفا

وكانت ثمرة حبهم الصادق

بنوتة حلوة صغيرونة سموها (( دلال )) وعزموا وأصروا

إنهم يربونها تربية صالحة

عشان يثبتون حق أنفسهم إن مو كل دلال خاينة ومو كل خاينة دلال



**********

دلول مر على زواجها سنة

هالسنة كانت أتعس سنة بحياتها

زوجها طلع راعي قمار وكل يوم يرد البيت الفير وأهو سكران

دلول كل ما تشتكي منه يطقها وما يرحمها

بهاللحظة صحى ضمير دلال

وقالت وينك يا ناصر .. ؟



إنت كنت نعمة أهداها لي الله بس آنا فرضت فيك

حبيتني من كل قلبك وضحيت بكل شي عشاني

بس آنا أهملتك وتعبتك معاي وايد

وقلت ما يدخل قلبي إلا واحد يكون حلو وكشخة

للأسف كان هذا تفكيري اللي ضيعني



ياليت تردلي يا ناصر ياليت آنا محتاجلتلك وايد وايد

توني أحس بقيمتك توني



البنية ما تبي من هالدنيا إلا ريال يسندها

ويكون لها العون والأخو والأبو والصديج والحبيب

ويعطيها كل ما يقدر من العطف والحنان

ويحسسها بالأمان

وينك يا ناصر وينك .. ؟

آنا أحبك وأموت فيك

تعال إرجع أبيك أبيك أبيك



**********

دلول ندمانة وايد وتمنت يردلها ناصر

لكن

(( لي فات الفوت ما ينفع الصوت ))






ملاحظه : القصه مو حقيقية






وللعلم منقوله للافاده


تحياتي للجميع


شرجاوية




 

 

التوقيع




الجوريه الحمراء أوعدك ماتخلى عنك ابد,وقلبي عمره مايسكنه احد,انت عشقي وحياتي وببقا لك للأبد.
وإن شرجاوية ماسألت لاتقول خانتي وخانت العهد
قول ماتت وللحين ماحبني كثرها احد




مستانسين وايد حليلهم

   

رد مع اقتباس
قديم 19-09-2009, 08:46 PM   #2

شجن وفراق

جنرال برونزي

 
الصورة الرمزية شجن وفراق

 
 
 
 
 
 
 

معلومات إضافية

الحاله : شجن وفراق غير متواجد حالياً
عدد النقاط : 2318619
المستوى : شجن وفراق has a reputation beyond reputeشجن وفراق has a reputation beyond reputeشجن وفراق has a reputation beyond reputeشجن وفراق has a reputation beyond reputeشجن وفراق has a reputation beyond reputeشجن وفراق has a reputation beyond reputeشجن وفراق has a reputation beyond reputeشجن وفراق has a reputation beyond reputeشجن وفراق has a reputation beyond reputeشجن وفراق has a reputation beyond reputeشجن وفراق has a reputation beyond repute

مزاجي:

 
معلومات مول:
   
رسالة الشخصية:

دَرْب ْاْلْهَوْا مِنْ يِسْلِكَهْ ْْ حَارَبِ اَلْنُوْمْ ْْْ"اَلْكَـعْبِيـْ "

 
أوسمه:
وسام مسابقة اين الكره 
 
مركز الالعاب:
 
مركز تحميل:
 

 

 
افتراضي رد: ........كما تدين تدان..........





مشكوره حبيبتي عالقصه ...^^



   

رد مع اقتباس
قديم 19-09-2009, 11:01 PM   #3

حور راآكـ

جنرال مشارك

 
الصورة الرمزية حور راآكـ

 
 
 
 
 
 
 

معلومات إضافية

الحاله : حور راآكـ غير متواجد حالياً
عدد النقاط : 17006
المستوى : حور راآكـ has a reputation beyond reputeحور راآكـ has a reputation beyond reputeحور راآكـ has a reputation beyond reputeحور راآكـ has a reputation beyond reputeحور راآكـ has a reputation beyond reputeحور راآكـ has a reputation beyond reputeحور راآكـ has a reputation beyond reputeحور راآكـ has a reputation beyond reputeحور راآكـ has a reputation beyond reputeحور راآكـ has a reputation beyond reputeحور راآكـ has a reputation beyond repute

 
معلومات مول:
   
رسالة الشخصية:

اتعبني الهجـر لكن مانزلـ راآسي

     
مركز تحميل:
 

 

 
افتراضي رد: ........كما تدين تدان..........





سلمتي الغلا عالقصه



 

 

التوقيع


Follow on instgram : b8aya__roo7
Follow @roo7_al5bal
http://www.flickr.com/photos/84420042@N03/?saved=1

   

رد مع اقتباس
إضافة رد

مواقع النشر (المفضلة)

الكلمات الدلالية (Tags)
بيان, بيين, كما


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

لكل مشاهـده : درهـم
لكل موضوع : درهـم
لكل رد جديد : درهـم

الانتقال السريع

الموقع الرسمي للدكتور الشيخ سيف الكعبي

الساعة الآن 08:53 AM


Powered by vBulletin® Copyright ©2000 - 2017, Jelsoft Enterprises Ltd. RASLAN
Tynt Script Added by Leicester Forum
جنرال العين

إعدادات الرسائل الأصدقاء استكشف
  • تعديل البيانات
  • تعديل الصورة الرمزية
  • تعيل الصورة الملف الشخصي
  • تعديل التوقيع
  • تعديل البريد / كلمة المرور
  • تعديل الخيارات
  • تنسيق الملف الشخصي
  • خصوصية الملف الشخصي
  • قائمة الاشتراكات
  • تقديم شكوى أو اقتراح

  • البريد الوارد
  • الرسائل المرسلة
  • تتبيع الرسائل
  • تعديل المجلدات
  • ارسال رسالة جديدة
  • الاتصال و الاصدقاء
  • تعديل قائمة الاصدقاء
  • قائمة الاتصال
  • قائمة التجاهل
  • المنتدى
  • مركز التحميل
  • قائمة الأعضاء
  • مدونات
  • فعاليات
  • مول جنرال
  • العاب
  • مساندة الاشرافية
  • توبيكات
  • للإعلان
  • التعليمات
  • اتصل بنا